Ang Malayang Taludturan ng Dalawang Kaliwang Paa

 Ngayon ko lamang napansin na halos karamihan sa post ko sa buwang ito ay mga tula. Bakit nga naman hindi, isang pagkilala at pagpupugay na rin ito sa ating wika. Na sana ay hindi lamang isang beses sa isang taon kinikilala o pinapahalagahan.

 Ang tula kung bibigkasin lalo pa't kung bukal sa puso at malaya ang imahinasyon ay tunay na naiibang karanasan. Paano kung lalapatan musika ang mga taludtod sa tula at sasaliwan ng sayaw. Ito ang ipinamalas ng pelikulang Ang Sayaw ng Dalawang Kaliwang Paa. Narito ang ilan sa mga tulang ginamit sa pelikula na mula sa mga haligi ng Literaturang Pilipino.




Ang Sabi Ko Sa Iyo
ni Benilda Santos

Bumaling ang dagta sa hiniwang kaymito

Namuo sa talim ng kutsilyo ang ilang patak

Diyan ako naiwan mahal, at hindi sa laman



Litanya
ni Merlinda Bobis

Huwag mo akong iwan
Tulad ng pag-iwan ng anghel sa kanyang pakpak
Nalimutan sa bus na gumarahe sa gabing walang buwan

Huwag mo akong iwan
Tulad ng pag-iwan ng buwan sa kanyang mata
Nahulog sa sapang nananaginip ng dilim na walang pintuan

Huwag mo akong iwan
Tulad ng pag-iwan ng hangin sa kanyang dila
Nauhawa sa kahihiyaw ng 'huwag mo akong iwan'



Paglisan
ni Joi Barrios

Sinasalat ko ang bawat bahagi 
ng aking katawan
Walang labis walang kulang

Sinasalat ko ang bawat bahagi 
ng aking katawan
Nunal sa balikat
Hungkag na tiyan
May tadyang ka bang hinugot 
Nang lumisan?

Sinasalat ko ang bawat bahagi
ng aking katawan
Sa kaloob-looban
sa kasuluk-sulukan
Nais kong mabatid 
ang lahat ng iyong
Tinangay at iniwan
Nais kong malaman
Kung buong-buo pa rin ako
sa iyong paglisan.

Hindi Bagyo ang Dahilan ng Ulan


Hindi bagyo ang dahilan ng ulan
noong isang hapon sa Ortigas
kundi pagsasalubungan
ng magkaibang hangin


na hindi ko matangging akin
ang isa at sa daan-daang tao
sa mga daang patungo sa iyo
iyong bumati sa akin


sumalubong sa estrangherong
walang bitbit kundi barya-baryang pag-asang
maabot ang tayog ng mga gusali
mabagtas ang distansiya


ng mga nagmamadaling paa,
hindi nagtatagpong mga palad
mga iniiwanang sulyap
sana ikaw na, sana ikaw na siya


ngunit hindi kinakailangan
doon ang hindi maaari
ng lungsod na laging umuuwi
sa muling pagpasok sa umaga


doon ang hangin na lamang
ang natitira para sa akin
upang makasalubong ka
sa isang buntong-hininga


Pasintabi kay Makilim
Mula sa "Sapagkat nasa kuwento ang Mundo"
wala nang ibang magagawa kundi ang magsalita


Tinig sa Pinilakang Tabing: Across The Universe



Goddammit, Max! Get serious, for once! What are you going to do with your life?



Why is it always what will I do? "What will he do", "What will he do", "Oh, my God what will he do", do, do, do, do, do, Why isn't the issue here who I am?



Because, Maxwell what you do defines who you are.



No, Uncle Teddy. Who you are defines what you do. Right Jude?



Well, surely its not what you do, but the, uh...the way that you do it.






ACROSS THE UNIVERSE
Pelikula ni Julie Taymor

I-social




 I just want to share an argument I read between a man and a woman about teens poor social skills in their country.  


Man: Technology is great, but I fear that it has brought about the end of conversation.

Woman: Not at all. If anything, technology has advanced communication even further. Society’s needs have changed over the course of the millennia and with those needs, conversation and the tools to facilitate conversation must also change.

Man: I think that technology like radio, television, the Internet, I-pods and texting have impacted the decline of conversation for many people. Communication is now done through artificial support systems like email, cell phones, computerized messages and answering machines.

Woman: Communication doesn’t always mean words. As societies grow more complex, people invent new ways of conversing. Languages grow and change along with the people.

Man: I don’t like it. Today our language is evolving into tweets, texts and symbols. Conversing with words is becoming obsolete. People need to bring back conversation skills and not depend on the Internet and cell phones for expressing our thoughts and feelings.

Woman: New technologies, when combined with the linguistic changes, often come to be viewed as threatening to conversation and relationships by those who do not learn to understand them.

Man: That does not deny the fact that technology has given rise to less conversation. People turn on the television and tune out their families and friends. Young people put on head phones and get lost in their music or games avoiding as much contact and conversation as possible.

Woman: Through technology, conversation simply has evolved into many different forms. We are now able to communicate in several different mediums as opposed to years past.

Man: People have forgotten what it means to simply converse. The art of actual face-to-face conversation is becoming primitive.

Woman: As long as people continue to walk the planet Earth, there will always be conversation happening in some form and language, probably involving the use of a technology to keep happening.



 To whom do you agree? The man's opinion or the woman's opinion? Or maybe do you have your say in regards to this issue? ;)



Luha at Alat Tampisaw ng Dagat

Takipsilim ang sumasapin sa langit
Habang ang dalampasigan ay yapos akong pilit
Tinig ng alon ang nagsilbing oyayi
Marahang winawaksi nagdaang pag-ibig


Alimuom ng hangin ang panumbalik diwa
Ng lumipas na siphayo ng katawang lupa
Buhangi'y bulak na nagsilbing papag
Bumalot sa kakisigang mahina't nagparaya


Dumampi sa labi ang alat ng dagat
Na siyang ganting dumaloy ng sing-alat ding luha
Pinatigil yaring bawat hininga,pisi nitong buhay nalalagot na
Nanalig,nagpatirapa sa batuhang matatag sumampalataya


Diwa'y pinaso ng bukang liwayway 
Mutang hatid ng luha,balakid pa sa pagmulat
Pasalamat sa agos at muta'y tinangay 
Kasabay sa hampas ng alon,pumalao't bumaybay
Galit ang mariing sikat ng araw 
Wari'y pinahihiwatig ang bagong pahina
Na sa lawak ng dagat
Aaluni't mapapawi rin ang luha


Tula para sa pakontest ni Iya ang Luha Mo Sa Pakontest Ko

Walang Hangganan


nagsimula ng kumapit sayo ang aking tingin
hindi na ako bumitiw haplos ka ng mariin
pinigil ang hininga
puso'y nagwawala na


abot-kamay man kita
tanaw ko'y malayo ka
hanggang tingin na lang ba itong aking pagsinta
tatangayin na lang ba hangin at ililibing ng buhay


isang araw na tila ito na ay ang huli
dinaan ko sa titik ang hindi ko masambit
gamit ang aking plumang putol putol pa ang tinta
sandigan ay ang papel na lukut lukot pa


dito'y dumaloy ang damdaming pinakaiingatan
hindi na kaya pang ilihim
puso'y di na papipigil
wala ng ibang inisip kundi ikaw na tinatangi


bukas palad tatangapin wala naman akong hiling
sapat na ang iyong prisensya'y lakas na para sa akin
ginugupo man ng sakit ang nanganganib kong buhay
pagsuko ay binago ng wagas na pagmamahal


bilang ko na sa daliri ang tibok ng aking puso
ngunit bawat pintig nito ay inihahandog sayo
pipilitin kong habulin ang aking hininga
hanggang sa ipikit ko na ang aking mga mata  
dadalhin kita sa puso ko kasama sa paglalakbay
sa muli nating pagkikita doon sa walang hanggan


(Nag-ayos ng gamit ang kapatid ko at iniabot niya sa akin ang isang photocopy ng ginawa kong rap/tula na ginamit nila sa isang pakontest noong high school sila para  sa buwan ng wika. Kaya naisipan kong ibahagi sa aking blog.  Makabagong harana ang tema na ginawa kong tragic, maiba lang. Nalimutan ko na at maging ng aking kapatid kung nanalo ba sila sa pakontest na iyon. Pero iyong sinali sa section nila para sa Lakan keme na ako ang nag train eh pasok kahit runner-up hehehe :) ako na ang kontesero din dati. hehehe ) 

Life on Screenplay: Punla

INT. KWARTO SA  ISANG RESORT - NIGHT


Tahimik ang paligid, tanging tunog ng aircon ang maririnig.

Makikitang magkakatabi sa kama ang beschums na sina JEN, JUL at JOS.

Napapagitnaan ng dalawang lalake ang babae. Nasa kanan ni Jen si Jul at nasa kaliwa naman si Jos.

Balot ng sariling kumot si Jul. Gayundin ang buong katawan ni Jen at paa lamang ang nakukumutan kay Jos  gamit ang isang kumot na kanilang pinaghatian.

Isang malakas na tawanan ang maririnig. Na puputulin ng malakas na boses ni Jen.


JEN
Uy mga bekla!Pag hindi na ako nakahanap ng jowa tapos gusto ko na magkaanak kunin ko na mga sperm nyo ha!

JOS
Oo naman!

JUL
Gooohh!!

JOS 
Basta ipakikilala mo sa amin ang bata ha!

JEN
Oo naman!Anak meet your pudra!

Maririnig ang malakas na tawanan

JOS
Kaya nga diba super jogging na kami at nagbabalak ng mag gym ng maiba naman!

JEN
Sama ako pag nag gym kaya ha! 

JOS
Naman!Para tiba tiba sayo ang mga straight sa gym!hahahaha

JEN 
(nakabaling ang ulo kay Jul)
Oy!Bekla!

JOS
Hala!Tulog na yata!Alam mo naman yan!

JEN
Oo nga!Masandal tulog!

Malakas na tawanan



What Dreams May Come: Meow



 Kagabi habang nagnanakaw ng tulog sa opisina dahil mayroon akong mahabang spare time.

 I have dreamt of a cat.

 Sa aking panaginip nakahiga din ako at may isang pusa di umano ay may pagkakahawig sa kulay ng tigre sa harap ng aking mukha, may katabaan ang pusa at maamo ang mukha, ang ginawa ko hinawakan ko sa likod at inangat. Ang nangyari pagkaangat ko sa pusa may dalawa pang nakatagong kuting sa ilalim nito na katulad din ng nabanggit na kulay. Ang cute ng mga kuting at ang sisigla nila. Tapos bigla na akong nagising at bumalik na sa trabaho.

  Mabuti na lang at may book about interpretation of dreams ang co-worker ko. Ito ay ang 'Dream Directory' by David C. Lohff. Narito ang kanyang pagpapaliwanag.

 "CATS
      Cats have several commonly observed meanings that translate pretty easily between waking and dreams. Traditionally, cats have symbolized intuitive or magical powers. The former may be a herald to trust intuition. The latter may be a fantasy on your part to acquire witch skills or to investigate occult matters. Of course, your own cat may simply appear in your dreams as a member of your daily life."

 Maaring sang-ayon ako sa magical powers. Fantasy? Pinapantasya pwede! hahaha :) Pero wala naman akong balak gamitan kung sinuman ng witch skills magic magic ek ek! hehehe I'll just pray na lang. :)

Tinig sa Pinilakang Tabing: Ploning



Kung nagmamahal ka, at hindi mo naman kasama araw-araw at hindi mo rin sigurado kung babalikan ka. Anong tawag doon?


Nagmamahal, kasi ang nagmamahal nagtitiwala.


Kahit nasasaktan ka na?


Ako, naniniwala na ang nagmamahal ay nasasaktan. Pag' hindi ka na nasasaktan, aba'y matakot ka. Baka hindi ka na nagmamahal.


Basta ako, hindi na ako papayag na masaktan muli dahil lang nagmahal ako.


E di para mo na ring sinabing hindi mo na papayagan ang sarili mong magmahal muli.




PLONING
Pelikula ni Dante Nico Garcia

Renascence



Mabuti na lang at sa panahong ito ako
Ipinanganak na bading.

Hindi ko kailangang tumili o tumalak 
Para marinig ang aking voice.

Hindi ko kailangang magdamit babae
Kung hindi ko carry,
O umastang machong lalaki
Kung feel kong magpa-girl.
Sa bahay man o sa opisina.

Hindi ko kailangang magpahaba ng hair
O manggupit ng hair para mabuhay.

Hindi ko kailangang magpakasal 
Sa mujer na hindi ko mahal
Para maging respectable ako sa madla.

Hindi ko kailangang ipilit ang sarili
Sa straight na mhin na ayaw sa akin.

Hindi ko kailangang magpa-cut ng notes
O magpadagdag ng boobs
Para makumpleto ang aking pagkatao.

Hindi ko kailang i-forget
Na isa akong tao
Bago isang bading.

BAGO ANG BADING
(Pasintabi kay Rebecca T. Anonuevo)
Mula sa Ladlad 3