..beschum #3..

Itago natin si Beschum#3 sa pangalang Rogue.Muli isa po uli siyang Eba. Elementary kami nagkakilala. Isa rin siya sa mga pangalang isinasagot ko sa tanong sa slumbook na 'who is your crush?'

Honor student itong si Rogue,Valedictorian noong elementary days namin. Nakaktuwa kasi noong graduation march magkatabi kaming naglakad. Siya bilang number one sa klase at ako bilang Best in Character. Pilit kong inaalala ang karakter ko noong mga panahong iyon para magamit ko ngayon,ang hirap sobrang sweet at inosente pa ako noon. [^^,] at dahil nga bukod tangi ang karakter ko sa buong klase. Ako ang may dala ng diploma nila na nakalagay sa brown envelope.Naisip ko that time,ipuslit ko kaya ito,tipong kidnap o ransom.Ikaw na ang kidnapin ang kinabukasan!? [^^,] bwahahaha

Mabalik nga pala tayo kay Rogue,matapos ang elementary,muli kaming naging magkaklase sa high school mula sophomore hangang senior.At nang mag kolehiyo naiba ang landas ng bawat isa. Ngunit nanatili pa din ang communication namin.

Si Rogue ang nagturo sa akin kumain ng ampalaya. Isang boring na hapon naisipan kong pumunta sa kanila,saktong tanghalian. Habang kumakain at ampalaya nga angulam pinagmasdan ko siya. Sarap na sarap sa pag nguya ng ginisang ampalaya. Samantalang ako kinalumitan ang salitang nguya ng mga oras na iyon,kasi pagsubo sabay lunok. Hindi naman ako pwedeng mag inarte sa kung ano ang inihain sa lapag,este hapag pala (kina beschum#1 kasi sa lapg kami kumakain ) ako na nga ang nakikikain.

Bigla akong nag dialogue ng "Favorite mo itong ampalaya anu?"

"Oo pampatalino kaya yan!"

Nanlaki ang mata ko,ang friend ko isiniwalat ang isa sa mga sikreto ng kanyang katalinuhan!Ang ginisang ampalaya nang tignan ko naging stir fry tenderloin na!May isang dekada na akong kumakain ng ampalaya,bakit kaya ang tagal ng epekto sa aking brain vitality [^^,] gumanda lang ako lalo. [^^,]

Sa klase namin noong 3rd year high school sa Geometry naging seatmate kami ni Rogue. This is it!pagkakataon ko nang magamit ang katalinuhan niya!!Hala!!Bakit ganoon!Pag exams or quizzes hirap din siya!Hindi lang siguro niya talaga forte geometry.

Narenew na kaya nya ang MTRCB card nya? Miss ko na manuod uli sa Imax ng libre. At makakita ng mga cashier sa ticket booth na sumisimangot pag ipinapakita niya ang card na nagpapahiwatig na di namin kailangang magbayad.

[^^,]


Sa kasalukuyan hindi pa din narerenew ni Rogue ang kanyang MTRCB card. Sa katunayan ako pa ang manlilibre sa kanya sadarating na linggo upang manuod sa 6th Cinemalaya film festival at kasabay nuon ang aming pag-uusap sa balak naming pagsali sa nasabing independent film festival.


July 8,2010
Mula rin ito sa naunag blog ko muli lamang ibinahagi

..beschum #2..

Noong elementary ako hindi pa uso ang social networking.Ang uso noon..slumbook!Slumbook millionaire akong maituturing sa dami ng slumbook na nasulatan ko.Isa sa inaabangang sagot sa slumbook maliban sa 'what is your motto?' ay ang 'who is your crush?'.

At si Beschum #2 ang inilalagay kong pangalan. Itago natin siya sa alyas na 'veklang babuy' vekla kasi babaeng bakla ito,babae mga dre!May estrogen!Babuy kasi malusog.[^^,]

Nakita ko tumaas ang kilay mu!After mabasa ang sentences na nasa itaas. Oo tama ka!Babae ang crush ko!Testosterone pa rin ang nananalaytay sa ugat at dugo ko!And besides kahit majubis itong si Beschum #2 eh dami rin talagang nag kakacrush sa kanya!Brain is really sexier than pussy alone.

Tatlong taon lng kami nagkasama nung Elementary kasi sa hometown na tinapos ng bruha ang kanyang elementary education. Wala masyadong eksena kasi may pagka nerd itong si Beschum #2.Unlike si Beschum #1 na talaga namang pasabog!

Makalipas ang tatlong taon!Kolehiyala na ako..[^^,] 1st day of class balot ng tensyon ang loob ng classroom habang inaantay ang teacher. From section 3 nung 1st year nalipat ako sa section 1, ngayon sophomore na ako,fresh at virgin pa din. Hindi ata dahil sa academics kundi sa talent at star quality! [^^,]

Because of that konti lng ang kilala ko, kasi tatlo lang kami from section 3 na nalipat sa section 1.Kaming 3 may star potential!(isang best actor,best supporting actor at best director mga awards na napanalunan namin sa ibong adarna play)Hulaan nyo na lang kung anung ginawad sa akin.

Dahil gumala na ang mga mata ko sa mga bagong mukha sa paligid ko,isang pamilyar na mukha ang gumulantang sa akin!Si veklang babuy yun ahh!At dahil nalampasan na ang puberty age.Ganda ni veklah!Medyo nabawasan na rin ang timbang pero may baby fats pa din.Assets nya yun actually.Para raw may panggigilan.Gigil by using your hands,your teeth and your..yun na yun!Pwede ring gamitin yun pag nanggigigil ka.

Nakatingin ako sa kanya at sabay tingin din siya sa akin,naramdaman nya yata na may cute na tumitingin sa kanya.Pagtingin nya sa akin sabay linya siya ng 'Uuuy!habang nakaturo ang hintuturo niya sa akin.Binato ko naman siya ng linyang 'Uuuy! (puno ng sense at emosyon)sabay flash ang killer smile ko.

Biglang dumating ang teacher sa black magic at poison making este English pala.Akala ko black magic class na ito.

Natapos ang klase sa witch craft/english.

At kami ni beschum #2 hindi natapos ang paghaharutan!

Isang bagay ang napansin ko sa kanya ng mgapanahong ito,hindi na siya studious unlike before.

Kung sa bagay madami naman siyang stocks sa kanyang grey matters. Hehehe

Sangkatutak ang mga escapades naming tatlo (ako,beschum#1 and beschum#2) kaso karamihan censored at si beschum#2 ang bida best actor/actress in a supporting role lang kami ni beschum#1.

Sige share ako ng isa..galing kami ni beschum#1 sa magdamagang inuman nang pauwi na kami biglang nagtext ang veklang babuy(beschum#2) na magkita kita kami.

'Bakit?!anung merun?'

Nakipagtagpo pala ang bruha sa kanyang forbidden love. (as in kinabog ang mga royal family sa pagka forbbiden ng relasyon ni beschum#2) Pero ang paalam niya sa kanyang tita na tumatayong guardian niya ng mga panahong iyon eh sa amin nakipagkita.Kaya dapat pag-uwi niya kasama niya kami.Tipong mga backup dancers ni Alma Moreno.

At kahit may hangover pa sa paglaklak ng matador nang nakalipas na araw.Tumuloy pa rin kami sa taping (dahil matinding pag arte na naman ang gagwin namin sa harap ng tita ni beschum#2)

Madami pang kakabiglang kwento itong si beschum#2 sa ibang post ko na lang ilalagay.May social relevance kasi ang karamihan.[^^,] hehehe

Sa ngayon patuloy pa rin sa pagsusunog ng kilay si beschum#2.Hindi na nga kami makapag intay na makagraduate siya para tuloy tuloy na ang pag rampa!!

[^^,]

July 6,2010
Nagmula din ito sa unang blog ko na muli ko lamang ibinabahagi

..beschum #1..

Sa jackstone nagsimula ang friendship namin ni Beschum #1. Grade four kami nung magkakilala.Sa gitna ng umpukan ng mga classmates ko na naglalaro ng jackstone.At syempre kasali ako dun! [^^,] Jackstone ang pambansang laro sa classroom ko noong panahon na yun.

Sa mundo naming iyon,ang paglalaro ng jackstone ay parang laban ni Pacquiao,tumitigil ang lahat.Bawat grupo may kanya kanyang umpukan.Bawat isa competitive mode!

Si Beschum #1 ay ang pambato ng grupo kung saan siya mapupunta,samakatuwid pinag aagawan.Talbog ang kamasutra sa mga posisyon nya makuha lang lahat ng stars at maka move on sa next level.

Maliit,payat (imagine one day old na kulay pink at naka false eyelashes),maharot ang kilos at masayahin. Isa sa trade mark nya noon ay ang makukulay niyang nail polish sa kanyang toe nails!ROYGIBV!Patunay lamang na miyembro nga siya ng care bares.

Dahil sa maliit at mukhang kawawa pa siya noon. Madalas siyang pag tripan maging ng mga teachers namin. Minsan class picture time yun,so the day before photo shoot may I remind si teacher na magpagupit. Ang baklita hindi nagpagupit kaya sa araw ng picture taking.Bago umupo ang titser sa pwesto nya sa gitna,dinakma ang ulo ni Beschum#1 at winagwag!

Hindi lang ulo ang pinuntirya sa kanya even ang kanyang ngipin.There was a time absent ang hitad,pagpasok tanung si Mam ng "Bakit ka absent kahapon?" sumagot siya "Masakit po ngipin ko." "Saan masakit?" tanung uli ni Mam "Dito po" sabay turo sa kanang pisngi.Sa sobrang considerate ng titser namin sinampal ang kaliwang fez ni Bez!Sabay linyang, "Ayan pantay na".Kitang kita ko ang mga eksena ayun ako nakaupo sa desk at pigil na humahalaklak. [^^,]

Pagdating sa talent hindi siya papatalo,miyembro ako ng dance troupe noong elementary.Salingkit lng siya kasi kailangan madami raw ang sumayaw. Mas makatwirang tawaging dance troupe kung 5 pairs kaysa 1 pair lng. At dahil nga miyembro ng care bears inborn na ang pag hit ng matataas hindi matitigas ha!na nota kay Bez!One day old na songbird! Kayamaging ang pagigigng choir member ay pinatos nya.

Nakakatuwa lang dahil ang salingkit sa dance troupe noon ay isang pumapagaspas na dancer na ngayon.Mas kinarir nya ang pagsayaw kaysa sa mga totoong miyembro ng dance troupe noong elementary.Take note!Winner siya ng male dancer of the year when he graduated from college!Kalevel ang cum laude sa laki medal!Present ako noong awarding kaya alam ko!Applause!!At mas madaming naawrahan ang hitad sa dance troupe!Sumasayaw while bumibirit ng high notes!Performer!!!

Tumangkad kasi ng bonnga ang baklitang one day old matapos matuli!Ika nga ugly duckling noon,swan princess na ngayon.Ako,kahit magpatuli ako ngayon hindi na ata tatangkad mas lalo lng lalaki (uuyy nag imagine!!ang kati ha!)mas lalaki ang gastos!Patas lang talaga si Bro!

Mahigit sampung taon na kaming magkakilala,di na rin mabilang ang mga rampa,harot,landi at tawanang aming pinagdaanan. Never a dull moment. Pero ngayong unti-unti nang nagmamature ang aming isip. Iba na ang topic ng mga kwentuhan.Pamilya,relasyon,sex,politika,environment at kung anu ano kabilang na rin ang hinaharap.Mas malalim mas makabuluhan.

Hindi man kami madalas magkasama,we are still looking forward to see each other..Lalo pa at may utang ako sa kanya na hindi ko pa nababayaran..Hehehehe

That's simply called FRIENDSHIP.

[^^,]

July 5,2010
Mula ito sa una kong blog muli ko lamang itong ibinahagi

..simula..

Nabalot ako ng katahimikan
Sa isang sulok ng silid winawaksi ang nakalipas
Naisin ko mang buksan muli ang munting lampara
Wala akong makitang liwanag
Nagkalat ang mga piraso ng papel sa kawalan kasabay ng aking isipan
Tuwid na nakahindig at nakatusok ang pluma sa sisidlan nito
Subalit ang diwa ko ay baluktot
Natutuyo ang tintang nais dumaloy
Manhid naman ang aking emosyon
Tanging ang kabog ng dibdib ang huni sa katahimikan

Sa isang sulok ng silid may sumilay na liwanag
Kumalat ang liwanag sa tulong ng munting lampara
Nasilaw ang aking paningin,luha ay pumatak
Sa alapaap dinuyan ng papel ang aking isipan
Yumapos ang tinta sa plumang panulat
Akin na ito ngayong tangan
At muling sisimulan ang bagong kabanata




July 1,2010
Sa aking silid